सानदार बलिङ गर्दै नेपाले हङकङलाई गर्यो १२० रनमै अल आउट
काठमाडौं : नेपालको सानदार बलिङको अगाडि आइसिसी यू-१९ विश्वकप एसिया क्षेत्र छनोट अन्तर्गतको खेलमा हङकङ १२० रनमै अल आउट भएको छ।
हङकङ सस्तैमा समेटिएपछि नेपालले जितका लागि १२१ रनको सामान्य लक्ष्य पाएको छ। खेलमा टस जितेर पहिला ब्याटिङ गरेको हङकङ ४६.३ ओभरमा १२० रनमा समेटियो।
हङकङका लागि पर्थ भगवतले सर्वाधिक ३६ रन बनाउँदा अन्य कुनै पनि ब्याटरले गतिलो रन बनाउन सकेनन्।
नेपालका लागि हेमन्त धामीले ९ ओभरमा मात्र १९ रन खर्चेर ३ विकेट लिएका थिए। त्यसैगरी सुवास भण्डारीले १० ओभरमा मात्र १० रन खर्चेर २ विकेट लिए।
फागुन १५, २०७९ सोमबार १४:२४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
