लिग २ मा आज नेपाल र पपुवा न्युगिनी भिड्दै
काठमाडौं: यूएईमा आजबाट सुरु हुने विश्वकप लिग २ को पहिलो खेलमा नेपाल र पपुवा न्युगिनी (पीएनजी) भिड्दैछन्। नेपाल र पीएनजीबीचको खेल दुबई अन्तर्राष्ट्रिय क्रिकेट मैदानमा नेपाली समयअनुसार बिहान ११:४५ बजेबाट सुरु हुनेछ।
यूएई, पीएनजी र नेपालबीच हुने त्रिदेशीय एकदिवसीय खेल सुरुमा पीएनजीमा हुने भनिएको थियो। तर, मैदानको अवस्थाका कारण खेल यूएईमा सारियो।
२०१९ देखि जारी रहेको विश्वकप लिग २ मा नेपालको यो विदेशमा हुने अन्तिम त्रिदेशीय शृङ्खला हो। फागुन १८ मा नेपालले यूएईको सामना गर्नेछ भने फागुन १९ मा नेपालले पीएनजीसँग शृङ्खलाको तेस्रो खेल खेल्नेछ।
यस्तै अन्तिम खेल नेपालले फागुन २२ मा यूएईविरुद्ध खेल्नेछ।
फागुन १५, २०७९ सोमबार १०:२४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
