चक्कु हानेर ७० वर्षीय काकाको ज्यान लिने भतिज पक्राउ, वृद्धभत्ता नदिएको रिसमा गरेका थिए हत्या
काठमाडौं : आफ्नै काकालाई चक्कु प्रहार गरी हत्या गर्ने एक व्यक्तिलाई प्रहरीले आज पक्राउ गरेको छ। पक्राउ पर्नेमा महोत्तरी गाउँपालिका-३ मडैका ३० वर्षीय विजेन्द्र महरा रकेका छन्।
जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक सन्तोषकुमार पोखरेलका अनुसार गत आइतबार राति विजेन्द्रले ७० वर्षीय शिव महराको हत्या गरेका थिए।
वृद्धभत्ता माग्दा नदिएपछि उनको चक्कु प्रहार गरेर हत्या गरेको अनुसन्धानका क्रममा खुलेको छ। घटनालगत्तै विजेन्द्र फरार भएका थिए। लुकिछिपी बस्दै आएका उनलाई आइतबार राति पक्राउ गरिएको हो।
फागुन १४, २०७९ आइतबार २०:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
