तिलोत्तमामा ट्र्याक्टरमा मोटरसाइकल ठोकिँदा सशस्त्र प्रहरीमा कार्यरत बस्नेतको मृत्यु
काठमाडौं: रुपन्देहीकै तिलोत्तमा नगरपालिका- ५ मणिग्राममा हिजो साँझ ट्र्याक्टरमा मोटरसाइकल ठोकिँदा एक जनाको मृत्यु भएको छ। सोही दुर्घटनामा एक जना भने घाइते भएका छन्।
मृत्यु हुनेमा मोटरसाइकल चालक सशस्त्र प्रहरी २७ नम्बर गण रुपन्देहीमा कार्यरत पाल्पाको तानसेन नगरपालिका- १० का ३३ वर्षीय राजन बस्नेत रहेका छन्। क्रिमशन अस्पतालमा उपचारको क्रममा साँझ पौने ७ बजे बस्नेतको मृत्यु भएको हो।
मोटरसाइकलमा पछाडि सवार सोही ठाउँमा बस्ने ३३ वर्षकै कुलबहादुर खाम्चाको उपचार क्रिमशन अस्पतालमै भइरहेको छ।
सडक छेउमा रोकी राखेको लु४त ९३५ नम्बरको ट्र्याक्टरमा बुटवलबाट भैरहवातर्फ जाँदै गरेको लु७९प ९२५५ नम्बरको मोटरसाइकल ठोकिएको थियो।
फागुन १४, २०७९ आइतबार १०:०८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
