‘हेराफेरी ३’ मा भिलेनको रूपमा अनुबन्धित भए यी बलिउड स्टार

एजेन्सी : बलिउड उद्योगको चर्चित फ्रेन्चाइजी ‘हेरा फेरी’ को तेस्रो फिल्म ‘हेरा फेरी ३ ’ फेरि एकपटक चर्चामा छ।

एकपटक कार्तिक आर्यनलाई अनुबन्ध गरिएको फिल्ममा अब पुराना कास्ट मात्र अर्थात् अक्षय कुमार, सुनील शेट्टी र परेश रावल देखिने भएका छन्। कार्तिक आर्यन अब फिल्ममा नदेखिने बलिउड लाइफले जनाएको छ।

यसैबीच अब फिल्ममा नयाँ सुपरस्टार थपिने भएका छन्। ‘बलिउड हंगामा’को रिपोर्ट अनुसार सञ्जय दत्तलाई फिल्म ‘हेरा फेरी ३’ मा खलनायकको भूमिकामा अनुबन्ध गरिएको छ। फिल्ममा सञ्जय दत्त दृष्टिविहीन खलनायकको पात्र निभाउने समाचारमा उल्लेख छ।

अक्षय कुमार, सुनील शेट्टी र परेश रावलले फिल्म ‘हेरा फेरी ३’ को सुटिङ सुरू गरिसकेका छन्। फिल्मलाई अनीस बज्मीले निर्देशन गर्दैनन्, तर निर्देशनको जिम्मेवारी फरहाद सामजीले सम्हादैछन्।

फागुन १३, २०७९ शनिबार १९:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।