यी हुन् नेम्वाङका प्रस्तावक र समर्थकहरू
काठमाडौं: एमालेको तर्फबाट राष्ट्रपति पदको निर्वाचनका लागि पार्टीका उपाध्यक्ष सुवासचन्द्र नेम्वाङले उम्मेदवारी दिएका छन्। उनको उम्मेदवारी दर्ता गर्न एमाले अध्यक्ष केपी शर्मा ओलीलगायत नेताहरू नयाँ बानेश्वरस्थित सङ्घीय संसद् भवन पुगेका थिए।
नेम्वाङको प्रस्तावकमा अध्यक्ष ओलीसहित नेताहरू पृथ्वीसुब्बा गुरुङ, गोर्कणराज विष्ट, रघुवीर महासेठ र छविलाल विश्वकर्मा छन्। यसैगरी समर्थकमा पार्टीका नेताहरू योगेशकुमार भट्टराई, टोपबहादुर रायमाझी, जुलीकुमारी महतो, दिलकुमारी रावल थापा र अमनकुमार मास्के छन्।
अनेरास्ववियू हुँदै राजनीतिमा प्रवेश गरेका नेम्वाङ २०७९ को प्रतिनिधि सभा सदस्य निर्वाचनमा इलाम-२ बाट निर्वाचित भएका थिए। उनी पूर्व सभामुख तथा एमाले संसदीय दलका उपनेता पनि हुन्।
फागुन १३, २०७९ शनिबार १३:२८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
