तेह्रथुममा भीषण आगलागी: १४ घर पूर्णरूपमा क्षति, आगो नियन्त्रणबाहिर
१ वर्ष अघि
काठमाडौं: तेह्रथुमको आठराई गाउँपालिका–६ स्थित हात्तीखर्कको बस्तीमा भीषण आगलागी भएको छ। आगलागीबाट १४ घर जलेर पूर्णरूपमा क्षति भएको छ।
१४ घरमध्ये नौ घरमा मानिस बासोबास गरिरहेको र पाँच घर खाली थिए। नौ घरको अन्नपात र लत्ताकपडा सबै जलेर नष्ट भएको छ।
अहिले आगो नियन्त्रणबाहिर रहेको छ। स्थानीय र प्रहरीले आगो नियन्त्रणमा लिने प्रयास गरिरहेका छन्।
आगो निभाउन भर्खरै फिदिम नगरपालिकाको दमकल घटनास्थल पुगेको छ।
फागुन १२, २०७९ शुक्रबार २०:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
