मोरङ र सुनसरीमा सवारी दुर्घटना हुँदा दुई जनाको मृत्यु

१ वर्ष अघि

मोरङ र सुनसरीमा सवारी दुर्घटना हुँदा दुई जनाको मृत्यु

विराटनगर : मोरङ र सुनसरीको छुट्टाछुटै स्थानमा सवारी दुर्घटना हुँदा दुई जनाको मृत्यु भएको छ।

बिहीबार बेलुका मोरङको पथरीशनिश्चरे नगरपालिका-१० स्थित राजमार्गमा मे १ च ४१७१ नम्बरको पिकअप भ्यानले मे ७ प ७५४३ नम्बरको मोटरसाइकललाई ठक्कर दिँदा घाइते भएका मोटरसाइकल चालक दमक नगरपालिका-४ का ३० वर्षीय विशाल सिटौलाको मदन भण्डारी अस्पताल तथा ट्रमासेन्टर उर्लाबारीमा उपचारको क्रममा मृत्यु भएको हो।

त्यसैगरी सुनसरीको इटहरी-२० स्थित कोशी लोकमार्गमा को २५ प ८४४४ नम्बर र प्रदेश १-०२-०४३ प २९१ नम्बरको मोटरसाइकल आपसमा ठक्कर लागि दुर्घटना हुँदा घाईते भएकी प्रदेश १-०२-०४३ प २९१ नम्बरको मोटरसाइकल पछाडि सवार धरान-७ कि ४० वर्षीया पिङगला थापाको धरान घोपामा उपचारको क्रममा मृत्यु भएको हो।

दुर्घटनामा घाइते भएका धरान ७ बस्ने २४ वर्षीय रिदम थापा, इनरुवा-१ का मनोज र ४० वर्षीय दिनेश बस्नेतको सोही अस्पतालमा उपचार भइरहेको छ। घटना सम्बन्धमा सम्बन्धित प्रहरी कार्यालयबाट थप अनुसन्धान भइरहेको छ।