युरोपा लिगबाट समेत बाहिरियो बार्सिलोना, म्यानचेस्टर युनाइटेड अन्तिम १६ मा
एजेन्सी : स्पानिस जाइन्ट क्लब बार्सिलोना इंग्लिस क्लब म्यानचेस्टर युनाइटेडसँग पराजित हुँदै युरोपा लिगबाट पनि बाहिरिएको छ।
यसअघि नै बार्सा च्याम्पियन्स लिगको समूह चरणबाटै बाहिरिएर युरोपा लिगमा पुगेको थियो। बार्सिलोनालाई युरोपा लिगको अन्तिम ३२ को दोस्रो लेगमा म्यानचेस्टर युनाइटेडले २-१ ले पराजित गर्यो।
पहिलो लेग २-२ गोलको बराबरीमा सकिएकोमा समग्रमा ४-३ को हारसँगै बार्सिलोनाको यात्रा समाप्त हुँदा म्यानचेस्टर युनाइटेड अन्तिम १६ मा पुगेको छ।
म्यान्यूको घरेलु मैदान ओल्ड ट्राफोर्डमा भएको खेलमा अग्रता भने बार्सिलोनाले १७औं मिनेटमा रोबर्ट लेवान्डोस्कीको पेनाल्टी गोलमार्फत लिएको थियो।
तर दोस्रो हाफमा फ्रेड र एन्टोनीले गोल गर्दै म्यानचेस्टर युनाइटेडको जित पक्का गरे।
फागुन १२, २०७९ शुक्रबार १२:२२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
