ट्र्याक्टरको पछाडि मोटरसाइकल ठोकिँदा एक जनाको ज्यान गयो
काठमाडौं: रुपन्देहीको लुम्बिनी सांस्कृतिक नगरपालिका- ८ भगतपुरवामा गए राति ट्र्याक्टरको पछाडि मोटरसाइकल ठोकिँदा एक जनाको मृत्यु भएको छ। मृत्यु हुनेमा मोटरसाइकल चालक रुपन्देहीकै गैडहवा गाउँपालिका- ६ का अन्दाजी २४ वर्षीय राजेन्द्र पासी रहेका छन्।
उपचारको क्रममा भीम अस्पताल भैरहवामा पासीको राति सवा १० बजे मृत्यु भएको हो। लु८६प ४०५ नम्बरको मोटरसाइकल लु४त ४४६५ नम्बरको ट्र्याक्टरको पछाडि गए राति साढे ९ बजे ठोकिएको थियो।
ट्र्याक्टर चालक फरार रहेकाले खोजी भइरहेको ईलाका प्रहरी कार्यालय लुम्बिनीले जनाएको छ।
फागुन १२, २०७९ शुक्रबार ११:०८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
