महालक्ष्मीस्थानबाट सातदोबाटोतर्फ जाँदै गरेको मोटरसाइकलले ठक्कर दिँदा एक जनाको गयो ज्यान
काठमाडौं: ललितपुरको ताल्छिखेलमा हिजो साँझ मोटरसाइलकलको ठक्करबाट पैदलयात्रीको मृत्यु भएको छ। मृत्यु हुनेमा जावलाखेल बस्ने दोलखा घर भएका अन्दाजी ५४ वर्षीय दिपक शाह रहेका छन्।
महालक्ष्मीस्थानबाट सातदोबाटोतर्फ आउँदै गरेको बा९१प ९००० नम्बरको मोटरसाइकलले सडक पार गर्दै गरेका पैदलयात्री शाहलाई हिजो साँझ पौने ६ बजे ठक्कर दिएको थियो।
पाटन अस्पतालमा उपचारको क्रममा बेलुकी पौने ९ बजे शाहको मृत्यु भएको हो। तीव्र गतिका कारण दुर्घटना भएको बताइएको छ।
ठक्कर दिने मोटरसाइकलसहित चालकलाई प्रहरी वृत सातदोबाटोले नियन्त्रणमा लिएको छ।
फागुन ११, २०७९ बिहीबार १०:०७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
