टप्स बोर्डिङले जित्यो पोखरामा भएको राष्ट्रपति रनिङ शिल्डको उपाधि
पोखरा : राष्ट्रपति रनिङ शिल्ड तथा तेस्रो मेयर कप विद्यालय खेलकुद प्रतियोगिताको उपाधि टप्स बोर्डिङ स्कुलले जितेको छ।
मंगलबार पोखरा रंगशालामा भएको प्रतियोगितामा ७ स्वर्ण, २ रजत र ४ कास्य गरी कुल १३ पदकसहित टप्स च्याम्पियन बनेको हो।
सैनिक आवासीय मावि ५ स्वर्ण, ४ रजत र ११ कास्यसहित द्वितीय स्थानमा रह्यो। सैनिकले कुल २० पदक हात पार्यो।
शहिद स्मृति मावि ५ स्वर्ण, ४ रजत र ४ कास्यसहित तृतीय भयो। शहिद स्मृतिले कुल ११ पदक पाएको छ।
प्रतियोगितामा भलिबल, कबड्डी, एथ्लेटिक्स र मार्सल आर्टस् अन्तर्गत छात्र–छात्राका खेल भएका थिए। प्रतियोगितामा पोखराका ३० विद्यालयका १ हजार ६ सयभन्दा बढी खेलाडी सहभागी थिए।
फागुन ९, २०७९ मंगलबार २०:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
