मौसम: प्रदेश १ र बागमतीमा हिमपात हुनसक्ने
काठमाडौं: मौसम पूर्वानुमान महाशाखाले आज प्रदेश नम्बर १ र बागमती प्रदेशमा हिमपातको सम्भावना रहेको जनाएको छ। हाल देशमा पश्चिमी वायुको आंशिक प्रभाव रहेको छ।
यतिबेला प्रदेश १, बागमती, गण्डकी, लुम्बिनी र कर्णाली प्रदेशका पहाडी भू-भागमा आंशिकदेखि सामान्य बदली रही बाँकी भू-भागहरूमा आंशिक बदलीदेखि मौसम सामान्यतया सफा रहेको छ।
आज दिउँसो प्रदेश नं १ र बागमती प्रदेशका उच्च पहाडी तथा हिमाली भू-भागका एक-दुई स्थानहरूमा हल्का हिमपातको सम्भावना रहेको छ।
आज राति गण्डकी प्रदेश र कर्णाली प्रदेशका उच्च पहाडी तथा हिमाली भू-भागका एक-दुई स्थानहरूमा हल्का हिमपातको सम्भावना छ।
फागुन ८, २०७९ सोमबार ०७:१५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
