पोखरामा राष्ट्रपति रनिङ शिल्ड तथा तेस्रो मेयर कप खेलकुद सुरु

पोखरा : पोखरामा राष्ट्रपति रनिङ शिल्ड तथा तेस्रो मेयर कप विद्यालय खेलकुद प्रतियोगिता सुरू भएको छ।

महानगरपालिका खेलकुद विकास समितिको आयोजनामा पोखरा रंगशालामा आयोजना गरिएको प्रतियोगिताको आइतबार महानगरपालिका प्रमुख धनराज आचार्यले उद्घाटन गरे। 

तीन दिनसम्म चल्ने प्रतियोगितामा भलिबल, कबड्डी, एथ्लेटिक्स र मार्सल आर्टस्अन्तर्गत छात्र–छात्राका खेल सञ्चालन हुने छन्। 

आजै भएको १५ सय मिटरको दौडमा सैनिक आवसीय महाविद्यालयका प्रवेश आचार्य प्रथम भए। महिला ८ सय मिटरमा टप्स बोर्डिङकी सबिना खातुनले उपाधि जितिन्।

हाइजम्प पुरूषमा कास्की मोडर्ननाइज्डका मनिष केसी प्रथम भए भने महिलातर्फ टप्स माविकी सबिना खातुन पहिलो भइन्।

प्रतियोगितामा पोखराका करिब ३० वटा विद्यालयका १ हजार ६ सय जनाभन्दा बढी खेलाडी सहभागी रहेका छन्। 

फागुन ७, २०७९ आइतबार २०:३३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।