अभिनेता तथा जुनिएर एनटीआरका काका नन्दमुरी तारक रत्नको निधन
एजेन्सी : दक्षिण भारतीय अभिनेता नन्दमुरी तारक रत्नको निधन भएको छ। शनिबार बेंगलुरुको एक निजी अस्पतालमा उनको निधन भएको हो।
गत महिना हृदयाघात भएपछि उनलाई अस्पताल भर्ना गरिएको थियो। त्यसयता उनी कोमामा थिए।
अस्पतालमा उनलाई भेट्न अधिकांश आफन्त र राजनीतिज्ञ सबै पुगेका थिए। तर शनिबार ३९ वर्षको उमेरमा उनको असामयिक निधन भयो।
तारक गत महिना आन्ध्र प्रदेशको चित्तूर जिल्लामा टीडीपी महासचिव नारा लोकेशको युवागलम पदयात्रामा सहभागी भएका थिए।
यसै क्रममा तारक एक्कासी बेहोस भएर भुइँमा लडे। त्यसपछि उनलाई अस्पतालमा भर्ना गरिएको थियाे।
तारक प्रख्यात फिल्म अभिनेता जुनियर एनटीआरका काका र आन्ध्र प्रदेशका पूर्व मुख्यमन्त्री एनटी रामा रावका नाति पनि हुन्।
फागुन ७, २०७९ आइतबार १२:४९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
