टर्कीमा भूकम्प जाँदा बेपत्ता भएका फुटबलर क्रिस्टियन मृत भेटिए
एजेन्सी : टर्कीमा गएको शक्तिशाली भूकम्पमा परेर बेपत्ता भएका फरवार्ड क्रिस्टियन अट्सु मृत फेला परेका छन्।
घानाका फरवार्ड क्रिस्टियन बस्दै आएको अपार्टमेन्टको भग्नावशेषमुनि मृत अवस्थामा फेला परेको बीबीसीले जनाएको छ।
क्रिस्टियनका एजेन्टले उनी मृत फेला परेको पुष्टि गरेको छ। क्रिस्टियनले पछिल्लो समय टर्कीको हटेस्पोरबाट खेल्दै आएका थिए।
३१ वर्षीय फरवार्ड साउदी अरबको क्लब अल–रायदमा एक सिजन बिताएर हटेस्पोरमा अनुबन्ध भएका थिए।
उनले प्रिमियर लिग क्लब न्युकासल युनाइटेड, चेल्सी, एभर्टन र बर्नमाउथबाट पनि खेलेका थिए।
फागुन ६, २०७९ शनिबार १७:१५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
