४० ओभरको खेल सकिँदा सन्दीपको नाममा तीन विकेट, नामिबिया १५९ रनमा खेल्दै
काठमाडौं: नेपाल र नामिबियाबीच जारी आईसीसी विश्वकप क्रिकेट लिग–२ अन्तर्गतको खेलमा अहिले नामिबिया ब्याटिङ गर्दैछ। समाचार तयार पार्दासम्म ४० ओभरको खेल सकिँदा नामिबिया १५९ रनमा खेलिरहेको छ।
नामिबियाको कुल ५ विकेट गुमिसकेको छ। जसमा सन्दीप लामिछानेले तीन र करन केसीले एक विकेट लिए। नामिबियाका माइकल भ्यान लिङगेन रन आउट हुन पुगे।
नामिबियाको रन रेट पनि निकै कम छ। नामिबिया ३.९८ रन प्रतिओभरमा खेलिरहेको छ।
नेपालले टस जितेर पहिला फिल्डिङ गर्ने निर्णय गरेको थियो। यसअघि हिजो भएको स्कटल्याण्डविरुद्धको खेलमा पनि नेपाल ३ विकेटले विजयी भएको थियो।
फागुन ६, २०७९ शनिबार ११:४९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
