नेपाल-स्कटल्याण्डबीचको खेलमा सट्टेबाजी गरेको आशंकामा मैदानबाटै एकजना पक्राउ
काठमाडौं : नेपाल र स्कटल्याण्डबीच कीर्तिपुरस्थित टीयू मैदानमा जारी खेलमा सट्टेबाजी (बेटिङ) गरेको आशंकामा प्रहरीले एकजनालाई पक्राउ गरेको छ।
प्रहरीको केन्द्रीय अनुसन्धान ब्युरो (सीआईबी) का एसपी सन्जय सिंह थापाका अनुसार सट्टेबाजीमा संलग्न भएको शंका लागेपछि प्रहरीले कीर्तिपुरको मैदानबाट नै एकजनालाई पक्राउ गरेको हो।
मैदानमा खटिएका प्रहरीहरुले ती व्यक्तिलाई पक्राउ गरेको र हाल यस विषयमा अनुसन्धान भइरहेको बताइएको छ।
आईसीसी क्रिकेट विश्वकप लिग-२ को त्रिकोणात्मक सिरिज अन्तर्गत कीर्तिपुर मैदानमा नेपाल र स्कटल्याण्डबीच खेल जारी छ।
फागुन ५, २०७९ शुक्रबार १३:१९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
