बार्सिलोना र म्यानचेस्टर युनाइटेडले खेले २-२ को बराबरी, सबै गोल दोस्रो हाफमा
एजेन्सी : युरोपका दुई महारथी क्लब बार्सिलोना र म्यानचेस्टर युनाइटेडबीचको रोमाञ्चक खेल २-२ गोलको बराबरीमा सकिएको छ।
युरोपा लिगको अन्तिम ३२ को पहिलो लेगमा स्पानिस क्लब बार्सिलोना र इंग्लिस क्लब म्यानचेस्टर युनाइटेडले बराबरीको खेल खेलेका हुन्।
बार्सिलोनाको घरेलु मैदानमा भएको खेलमा चारै गोल दोस्रो हाफमा भएको थियो।
खेलको ५०औं मिनेटमा अलन्सोले गोल गर्दै बार्सिलोनालाई १–० को अग्रता दिलाउँदा दुई मिनेट पछि नै रासफोर्डले बराबरीमा गोल फर्काएका थिए।
यसपछि ५९औं मिनेटमा आत्मघाती गोल उपहार पाउँदै युनाइटेडले खेलमा २–१ को अग्रता बनाएको थियो। तर ७६औं मिनेटमा राफिन्हाले गोल गर्दा खेल २–२ गोलको बराबरीमा सकिएको थियो।
फागुन ५, २०७९ शुक्रबार ११:३१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
