महिला फ्यानले आदित्य रोय कपुरलाई जबरजस्ती चुम्न खाेजेपछि...
एजेन्सी : आदित्य रोय कपुर आजकल आफ्नो आगामी सिरिज ‘द नाइट म्यानेजर’ लाई लिएर चर्चामा छन्।
हालै उक्त सिरिजको मुम्बईमा भएको स्क्रिनिङबाट बाहिर निस्कँदै गर्दा उनीलाई एक महिला फ्यानले चुम्बन गर्न खोजेको भिडियो सार्वजनिक भएको छ।
भिडियोमा एक महिला आदित्यसँग सेल्फी लिन पुगिन्। उनले सेल्फी क्लिक गरिन्, त्यसपछि उनले बलपूर्वक आदित्यको गालामा चुम्बन गर्ने प्रयास गरिन्।
आदित्य मुस्कुराउँदै उनलाई कुनै न कुनै तरिकाले रोक्न खोजेको देखिन्छ। उनले महिलालाई पछाडि हट्न आग्रह गर्छन् तर महिला मान्दिनन्। अन्त्यमा महिलाले आदित्यको हातमा चुम्बन गर्छिन्।
भिडियो सामाजिक सञ्जालमा आएसँगै प्रयोगकर्ताहरूले महिलाको आलोचना गरेका छन्। महिलाले आदित्यमाथि दुर्व्यवहार गरेको उनीहरूको आरोप छ।
फागुन ४, २०७९ बिहीबार १६:१२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
