बाहुबलीकी देवसेनाको 'क्रश' प्रभास होइनन्, एक क्रिकेटर हुन्

एजेन्सी: 'बाहुबली' चलचित्रबाट विश्वभर चर्चा कमाउन सफल अभिनेत्री अनुष्का शेट्टीले आफ्नो 'क्रश'बारे बताएकी छिन्। एकताका बाहुबलीकै अभिनेता प्रभाससँग अनुष्काको प्रेम रहेको खबर फैलिए पनि त्यो खबर अन्ततः झुटो सावित भएको थियो।

तर पनि उनीहरूबीचको सम्बन्ध हेर्दा धेरैले रिल मात्र होइन रियल लाइफ जोडी भएको अनुमान लगाउँदै आएका थिए। यसबीचमा प्रभासको नाम अहिले कृति सेननसँग जोडिएको छ। उनीहरूले इङ्गेजमेन्टको तयारी गरेको पनि गाइँगुईँ चलिरहेको छ।

यता १७ वर्षदेखि चलचित्र क्षेत्रमा सक्रिय अविवाहित अनुष्काले पनि आफ्नो क्रश खुलाएकी छिन्। एक अन्तर्वार्ताको क्रममा उनले क्रिकेटरमाथि आफ्नो क्रश रहेको बताएकी छिन्। तर ती क्रिकेटर महेन्द्रसिंह धोनी होइनन्। न त विराट कोहली नै। ती हुन् राहुल द्रविद।

अनुष्काका अनुसार उनी किशोरावस्थामा हुँदैदेखि द्रविदमाथि उनको क्रश थियो।

पछिल्लो समय अधिकांश व्यक्तिको सेलिब्रिटी क्रश, लेडी क्रश, म्यान क्रश हुने गरेको छ।

फागुन ४, २०७९ बिहीबार १०:४०:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।