सडकबाट ट्र्याक्टर ५० मिटर तल खस्दा एक जनाको मृत्यु
१ वर्ष अघि
काठमाडौं: जुम्लाको पातारासी गाउँपालिका- ६ बडिखोलीमा हिजो साँझ ट्र्याक्टर दुर्घटना हुँदा एक जनाको घटनास्थलमा नै मृत्यु भएको छ। मृत्यु हुनेमा ट्र्याक्टरमा सवार पातारासी गाउँपालिका- २ तल्फिका अन्दाजी ५० वर्षीय अमिर बोहोरा रहेका छन्।
खलङ्गाबाट लाछी बजारतर्फ जाँदै गरेको कर्णाली प्रदेश-०२-००१ त ०४२७ नम्बरको ट्र्याक्टर हिजो साँझ पौने ७ बजे सडकदेखि अन्दाजी ५० मिटर तल खसेको थियो।
दुर्घटनामा घाइते भएका अन्य चार जना भने सामान्य उपचारपछि घर फर्किसकेका छन्। चालक फरार रहेकाले खोजी भइरहेको छ।
फागुन ४, २०७९ बिहीबार १०:२४:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
