विश्व क्रिकेटमा भारतको वर्चस्व, तीनवटै फर्म्याटमा बन्यो नम्बर १ टिम
काठमाडौं : तीनवटै फर्म्याटमा विश्व नम्बर १ टिम बन्दै भारतले हालको विश्व क्रिकेटमा आफ्नो दबदबा कायम गरेको छ।
अन्तार्राष्ट्रिय क्रिकेट परिषद (आईसीसी) ले बुधबार सार्वजनिक गरेको नयाँ वरियतामा भारत टेस्ट क्रिकेटमा पहिलो स्थानमा उक्लियो।
यसअघि नै टी-२० आई र ओडीआईमा पहिलो स्थानमा रहेको भारत टेस्टमा पनि शीर्षस्थानमा उक्लिएसँगै सबै फर्म्याटमा पहिलो भएको हो।
टेस्टको नयाँ वरियतामा भारतले अस्ट्रेलियालाई पछि पारेको छ। भारतमा नै जारी टेस्ट सिरिजको पहिलो खेलमा अस्ट्रेलियालाई एक इनिङ र १३२ रनले हराउँदै भारत पहिलो स्थानमा उक्लिएको हाे।
अस्ट्रेलिया टेस्ट र ओडीआई दुवैतर्फ वरियताको दोस्रो स्थानमा छ। टी-२० आईको दोस्रो स्थानमा भने इंल्यान्ड रहेको छ।
फागुन ३, २०७९ बुधबार १८:१९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
