नक्कली लाइसेन्ससहित एक महिला पक्राउ, एउटै नम्बर र फरक फोटो भएका दुईवटा लाइसेन्स फेला
काठमाडौं : नक्कली सवारी चालक अनुमति पत्र (लाइसेन्स) सहित ललितपुरको पुल्चोकबाट एक महिलालाई आइतबार ट्राफिक प्रहरीले नियन्त्रणमा लिएको छ।
कास्कीको पोखरा जैमरी घर भई हाल ललितपुरको नखिपोट बस्दै आएकी ३५ वर्षीया कञ्चन गुरुङलाई ट्राफिक प्रहरीले नियन्त्रणमा लिएको हो।
गुरुङले चलाएको बा ७८ प ५५ १० नम्बरको स्कुटर चेक गर्दा गुरुङको साथबाट गंगा तामाङको नाममा रहेको (०१-०६-००२४७९७० वर्ग के) र सोही नम्बरको (वर्ग ए, बी) फोटो फरक-फरक भएको दुईओटा सवारी चालक अनुमति पत्र फेला पारेको हो।
गुरुङलाई २ थान सवारी चालक अनुमति पत्र र स्कुटर सहित थप अनुसन्धान तथा कारवाहीका लागि काठमाडौं उपत्यका अपराध अनुसन्धान कार्यालय मिनभवन पठाइएको जनाइएको छ।
फागुन १, २०७९ सोमबार १२:१९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
