एलिना चौहानले खुलाइन् आफ्नो पारिश्रमिक, टिकटकबाट मात्र १२ लाख कमाएको खुलासा

काठमाडौं : गायिका एलिना चौहानले आफ्नो पारिश्रमिक खुलासा गरेका छन्।

शनिबार एक टेलिभिजन कार्यक्रममा अन्तरवार्ता दिँदै चौहानले पारिश्रमिक खुलासा गरेकी हुन्।

एउटा गीत गाएको १५ देखि २० हजारसम्म लिने गरेको उनले बताइन्।

कार्यक्रम सञ्चालकले सोधेको २५ हजार रूपैयाँ लिनुहुन्छ रे नि भन्ने प्रश्नको प्रतिवाद गर्दै उनले त्यति धेरै नलिने बताइन्।

‘लिन्न त्यत्रो, खासमा १५ देखि २० हजार लिन्छु,’ उनले भने, ‘यद्यपि त्यो व्यक्तिअनुसार फरक पर्छ।’

त्यसैगरी मेला महोत्सवमा गएको ५० हजारदेखि १ लाख रुपैयाँसम्म लिने गरेको उनले स्वीकारिन्।

युट्युबबाट खासै कमाइ नहुने बताएकी उनले टिकटक लाइभ बसेर मात्र १२ लाख रुपैयाँ कमाएको खुलासा गरिन्।

‘युट्युबमा चाहिँ लगानी गर्नुपर्छ, लगानी गरेजति आउँछ,’ उनले थपिन्, ‘तर, मेला महोत्सव र रेकर्डिङबाट चाहिँ अलिअलि हुन्छ।’

फरक प्रसङ्गमा उनले आफूले पैसा दिएर फ्यानलाई महोत्सवमा हर्कत गर्न नलाएको बताइन्।

माघ २८, २०७९ शनिबार २१:२३:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।