कमाइमा ‘पठान’को नयाँ कीर्तिमान
एजेन्सी : शाहरुख खानको फिल्म ‘पठान’ले विश्वव्यापी बक्स अफिस कलेक्शनमा रेकर्ड बनाएको छ। फिल्मले दुई सातामा सबैभन्दा बढि कमाउने फिल्मको रेकर्ड बनाएको हो।
यशराज फिल्म्सका अनुसार फिल्मले भारतमा ५५८.४० करोड र विदेशमा ३४२.६० करोड रुपैयाँ गरी ९०१ करोड रुपैयाँ कमाएको हो।
फिल्म्सले तेस्रो शुक्रबार भारतमा ५ करोड ९० लाख रुपैयाँ कमाएको बताएको छ।
शाहरुख खानको फिल्म ‘पठान’ २५ जनवरीमा रिलिज भएको थियो र रिलिज भएको दिनदेखि नै यो फिल्मले दिनहुँ कमाइको नयाँ रेकर्ड बनाइरहेको छ।
शाहरुख चार वर्षपछि ‘पठान’ बाट पर्दामा फर्किएका हुन्। फिल्ममा शाहरुखका अलावा दीपिका पादुकोण, जोन अब्राहम पनि छन्।
‘पठान’ले पहिलो दिन भारतमा ५७ करोड कमाएको थियो।
माघ २८, २०७९ शनिबार १८:०३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
