फिल्म 'एक्स नाइन'मा प्रदीप खड्का भित्रिएका हुन्?
काठमाडौं : चार महिना मिहेनत गरेर बलिष्ठ शरीर बनाए पनि फिल्म निर्माणको काम अगाडि नबढेपछि अनमोल केसीले छाडेको फिल्म ‘एक्स ९’ मा प्रदीप खड्काले अभिनय गर्ने भएका छन्। हालै फिल्मका निर्देशक मुकुन्द भट्ट अनि अभिनेता प्रदीप खड्काले सँगै पूजा गरिरहेको तस्बिर सार्वजनिक भएको छ।
पूजा भारतमा भएको हो। भारतको नासिक त्रयम्बकेश्वर मन्दिरमा प्रदीप र निर्देशक मुकुन्दले सँगै पूजा गरेका हुन्। फिल्ममा सौगात मल्ल, पुष्प खड्का, नीति शाह लगायतका कलाकारलाई फाइनल भइसकेको छ। निर्माण पक्षले फिल्ममा बलिउड अभिनेता सुनिल सेट्टीले समेत अभिनय गर्ने दाबी गरिरहेका छन्।
यो फिल्म अस्ट्रेलिया र युरोपका विभिन्न देशमा खिच्ने निर्माण पक्षको दाबी छ।
माघ २७, २०७९ शुक्रबार १५:३६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
