मोटरसाइकल दुर्घटनामा हजुरबुवाको मृत्यु, नातिनी घाइते
काठमाडौं: बाराको सिम्रौनगढ नगरपालिका- ५ मा हिजो साँझ दुई वटा मोटरसाइकल आपसमा ठोकिँदा एक जनाको मृत्यु भएको छ। सोही दुर्घटनामा दुई जना भने घाइते भएका छन्।
टेटाबाट सिम्रौनगढ बजारतर्फ जाँदै गरेको ना१प ६८८८ नम्बरको मोटरसाइकल र विपरीत दिशाबाट आउँदै गरेको ना१८प ५१४१ नम्बरको मोटरसाइकल हिजो साँझ ६ बजे आपसमा ठोकिएको थियो।
दुर्घटनामा गम्भीर घाइते भएका ६८८८ नम्बरको मोटरसाइकलका चालक महावीर साह कानुको उपचारको क्रममा नगर अस्पतालमा साँझ सवा ६ बजे मृत्यु भएको हो।
घाइते भएका कानुकी १३ वर्षीया नातिनी प्रियाशुं र अर्का मोटरसाइकलका चालकको सोही अस्पतालमा उपचार भइरहेको छ।
माघ २७, २०७९ शुक्रबार १०:१७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
