टिकौली जङ्गलमा दुई वटा मोटरसाइकल ठोकिँदा एक जनाको ज्यान गयो
काठमाडौं: चितवनको रत्ननगर नगरपालिका- ९ टिकौली जङ्गलमा हिजो साँझ दुई वटा मोटरसाइकल आपसमा ठोकिँदा एक जनाको मृत्यु भएको छ। टाँडीबाट भरतपुर जाँदै गरेको ना१६प १७२७ नम्बरको मोटरसाइकल र विपरीत दिशाबाट आउँदै गरेको ना२१प ७२५ नम्बरको मोटरसाइकल हिजो बेलुकी साढे ८ बजे आपसमा ठोकिएका थिए।
दुर्घटनामा घाइते भएका ७२५ नम्बरको मोटरसाइकलका चालक चितवनको खैरहनी नगरपालिका- १ का ४४ वर्षीय राजेश बस्यालको जिल्ला अस्पतालमा उपचारको क्रममा पौने ९ बजे मृत्यु भएको ईलाका प्रहरी कार्यालय टाँडीले जनाएको छ।
दुवै मोटरसाइकल र अर्का चालकलाई प्रहरीले नियन्त्रणमा लिएको छ।
माघ २७, २०७९ शुक्रबार ०९:१६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
