मेस्सीलाई पीएसजीमा १० नम्बरको जर्सी फापेन, मार्सेसँग पराजित हुँदै फ्रेन्च कपबाट बाहिरियो पीएसजी
एजेन्सी: मेस्सीले १० नम्बरको जर्सी लगाएको खेलमा पीएसजी मार्सेलेसँग २-१ ले पराजित भएको छ।
फ्रेन्च कपको अन्तिम १६ को खेलमा भोगेको यो हारसँगै सर्वाधिक १४ पटकको उपाधि विजेता पीएसजी प्रतियोगिताबाटै बाहिरियो।
एम्बाप्पे नखेलेको यस खेलमा मेस्सीले कुनै जादु देखाउन सकेनन्।
मार्सेलेको जितमा सान्सेज र मिलानोभ्स्कीले एक/एक गोलको योगदान दिएका थिए। पीएसजीका लागि सर्जिओ रामोसले एक गोल गरेका थिए।
१० नम्बरको जर्सी मेस्सीको पहिलो रोजाइको जर्सी भए पनि पीएसजीमा पहिलैदेखि नेयमारले १० नम्बरको जर्सी लगाएको हुनाले मेस्सीले ३० नम्बरको जर्सी लगाएका थिए।
तर फ्रेन्च कपको यस खेलमा खेलाडीले १ देखि ११ नम्बरको जर्सी लगाउन पर्ने नियमका कारण उनले १० नम्बरको जर्सी लगाए। जुन खेल मेस्सी र पीएसजी दुवैलाई फलदायी भएन।
माघ २६, २०७९ बिहीबार १२:२५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
