तीनकुनेमा मोटरसाइकल र कुखुरा बोकेको जीप ठोकियाे, चालकको मृत्यु
काठमाडौं : काठमाडौंको तीनकुने मुनिभैरवमा मोटरसाइकल र कुखुरा बोक्ने जीप आपसमा ठोकिँदा मोटरसाइकल चालकको मृत्यु भएको छ।
दुर्घटनामा गम्भीर घाइते भएका भक्तपुरको सुर्यविनायक नगरपालिकाका–२३ वर्षीय नोजन राईको उपचारको क्रममा राष्ट्रिय ट्रमा सेन्टरमा विहान साढे ३ बजे मृत्यु भएको काठमाडौं उपत्यका ट्राफिक प्रहरी कार्यालयले जनाएको छ।
मोटरसाइकलमा पछाडी सवार सुर्यविनायक नगरपालिका–२ बालकोटका २३ वर्षकै चन्द्र सिलवालको सोही अस्पतालमा उपचार भइरहेको छ।
विहान करिब ३ बजे बा ४९ प ५७७५ नम्बरको मोटरसाइकल र प्रदेश २–०३–००१ च ३९९८ नम्बरको जीप आपसमा ठोकिएका थिए।
दुवै सवारी साधन र जीप चालकलाई प्रहरी वृत्त बानेश्वरले नियन्त्रणमा लिएको छ।
माघ २५, २०७९ बुधबार १०:०६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
