मैतीदेवी चोकको प्रहरी बिटमा किन चल्याे महानगरको डोजर?
१ वर्ष अघि
काठमाडौं: काठमाडौं महानगरपालिकाले मैतीदेवी चोकको प्रहरी बिटमा डोजर चलाएको छ। मंगलबार महानगर प्रहरीको टालीले डोजर लगाएर मैतीदेवी चोकमा रहेको प्रहरी बिट भत्काएको हो।
महानगर प्रहरी प्रमुख राजु पाण्डेका अनुसार सडक र फुटपाथ मिचेर निर्माण गरिएको सानो भवनमा प्रहरी बिट रहेकाले प्रहरीसँगकै सहकार्यमा डोजर लगाएर भत्काइएको हाे।
सार्वजनिक सडक पेटीहरूमा रहेका प्रहरी बिटहरु अर्को ठाउँमा व्यवस्थापन गरेर हटाउन थालिएको उनले बताए।
नगर प्रहरीले पहिले बिटमा रहेको सामान हटाउन लगाएपछी डोजर चलाएको थियो।
माघ २४, २०७९ मंगलबार १३:३९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
