ट्र्याक्टर पल्टिँदा चालकको मृत्यु, सहचालक घाइते
काठमाडौं: सुनसरीको देवानगञ्ज गाउँपालिका- ६ स्थित सडकखण्डमा ट्र्याक्टर दुर्घटना हुँदा चालकको मृत्यु भएको छ। सोही दुर्घटनामा सहचालक घाइते भएका छन्।
आज बिहान देवानगञ्ज-रासी सडकखण्डमा को२त ६२३८ नम्बरको ट्र्याक्टर अनियन्त्रित भई सडकपट्टी पल्टिएको थियो। दुर्घटना हुँदा घाइते भएका ट्र्याक्टर चालक बर्जु गाउँपालिका- ५ का ४० वर्षीय प्रमोद पण्डितको उपचारको क्रममा कोशी अस्पताल विराटनगरमा मृत्यु भएको हो।
घाइते सहचालक देवानगञ्ज- २ का ३० वर्षीय धीरेन्द्र खत्वेको सोही अस्पतालमा उपचार भइरहेको छ।
घटना सम्बन्धमा ईलाका प्रहरी कार्यालय देवानगञ्जबाट थप अनुसन्धान भइरहेको छ।
माघ २४, २०७९ मंगलबार १२:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
