भारतको नक्सामा हिँडेपछि अक्षय कुमार विवादमा, माफी माग्न आदेश
एजेन्सी: भारतको नक्सामा हिँडेपछि बलिउड अभिनेता अक्षय कुमार यतिबेला विवादित बनेका छन्। एक भिडियोमा पृथ्वीमाथि हिँडेको दृश्यमा उनले भारतमाथि पनि पाइला टेकेका छन्।
सामाजिक सञ्जाल प्रयोगकर्ताहरूले यसलाई 'देशको अपमान' भएको बताएका छन्।
खासमा अक्षयले कतार एयरवेजको प्रचार सामग्रीको भिडियो शेयर गरेका थिए जहाँ उनी पृथ्वीमाथि हिँडेका हुन्छन्। कतार एयरवेजको प्रायोजनमा आउँदो मार्चमा उत्तर अमेरिकी देशमा हुन गइरहेको महोत्सवको प्रचार सामग्रीमा उनले आफूहरू एक सय प्रतिशत मनोरञ्जन लिएर त्यता आउने उल्लेख गरेका छन्।
जहाँ पृथ्वीमाथि हिँड्नु 'नर्थ अमेरिका'को यात्रालाई साङ्केतिकरूपमा देखाउन खोजिएको हो। तर, सामाजिक सञ्जाल प्रयोगकर्ताहरूले यसलाई देशको अपमानसँग जोडे।
The Entertainers are all set to bring 100% shuddh desi entertainment to North America. Fasten your seat belts, we’re coming in March! 💥 @qatarairways pic.twitter.com/aoJaCECJce
— Akshay Kumar (@akshaykumar) February 5, 2023
अक्षय क्यानेडियन नागरिक भएकाले उनले भारतको सम्मान नगरेको उनीहरूको तर्क छ।
भिडियोमा अक्षयसँगै नोरा फतेही, दिशा पटानी लगायत पनि छन्। तर सामाजिक सञ्जाल प्रयोगकर्ताको निशानामा भने अक्षय नै छन्।
उनीहरूले अक्षयलाई माफी माग्न पनि आदेश दिएका छन्।
माघ २४, २०७९ मंगलबार १०:३१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
