तोलामा पाँच सयले बढ्यो सुनको मूल्य
काठमाडौं: नेपाली बजारमा आज सुनको मूल्य आज तोलामा पाँच सयले बढेको छ। हिजो एकैदिन तोलामा दुई हजार रुपैयाँले सस्तिएको सुन आज पुनः पाँच सय रुपैयाँ महँगिएको हो।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य तोलामा एक लाख चार हजार ६ सय तोकिएको छ। यस्तै तेजाबी सुन तोलामा एक लाख चार हजार एक सय रुपैयाँ तोकिएको छ।
त्यस्तै आज चाँदीको मूल्य अघिल्लो कारोबार मूल्यको तुलनामा स्थिर छ। आज चाँदी प्रतितोला रु एक हजार तीन सय २० कायम रहेको महासङ्घले जनाएको छ।
महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ।
माघ २३, २०७९ सोमबार १२:१०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
