मोटरसाइकलले ठक्कर दिँदा साइकलयात्री कार्कीको मृत्यु
काठमाडौं: सुनसरीको इटहरी उपमहानगरपालिका- ४ कोशी राजमार्गमा सवारी दुर्घटना हुँदा एक जनाको मृत्यु भएको छ। मृत्यु हुनेमा सङ्खुवासभा आखिभुई- ८ घर भई ईटहरी- २ हलगडा बस्दै आएका २७ वर्षीय सरोज कार्की रहेका छन्।
हिजो साँझ साढे ७ बजे धरानबाट इटहरीतर्फ आउँदै गरेको को३२प ४६१३ नम्बरको मोटरसाइकलले साइकललाई ठक्कर दिँदा घाइते भएका साइकलयात्री कार्कीको उपचारको क्रममा घोपा धरानमा मृत्यु भएको हो।
घटनामा संग्लन ठक्कर दिने मोटरसाइकल चालक सङ्खुवासभा धर्मदेविका ३० वर्षीय प्रेम शेर्पा तत्काल फरार रहेकोले खोजतलास भइरहेको ईलाका प्रहरी कार्यालय इटहरीले जनाएको छ।
माघ २३, २०७९ सोमबार ११:५२:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
