एसेन्सियोले पेनाल्टी खेर फाले, हारपछि कठिन बन्दै रियलको लिग उपाधि यात्रा
एजेन्सी: मार्को एसेन्सियोले पेनाल्टी खेर फाल्दा रियल मड्रिड स्पानिस लिगमा दशौं स्थानमा रहेको मालोर्कासँग १-० गोल अन्तरले पराजित भएको छ।
१३ औं मिनेटमा नै घरेलु टोली मालोर्काले नाचोकाे गोलमार्फत खेलमा अग्रता कायम गरेको थियो।
यसपछि दोस्रो हाफमा रियलले पेनाल्टी पायो। तर ६० औं मिनेटमा पाएको पेनाल्टलाई मार्को एसेन्सियोले खेर फाल्दा रियलले हार टार्न सकेन।
यो हारसँगै लिगकाे दोस्रो स्थानमा रहेको रियल बार्सिलोनाभन्दा ८ अंकले पछि परेको छ। हारपछि रियलको लिग उपाधि यात्रा कठिन बन्दै गएको छ।
समान २० खेलबाट लिडर बार्सिलोनाको ५३ अंक छ भने रियलको ४५ अंक छ।
माघ २३, २०७९ सोमबार ११:५०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
