रौतहटमा मोटरसाइकल पल्टिँदा चालकको मृत्यु
१ वर्ष अघि
काठमाडौं: रौतहटको चन्द्रपुर नगरपालिका- ४ धन्सार पुल नजिकै हिजो साँझ मोटरसाइकल पल्टिँदा चालकको मृत्यु भएको छ। मृत्यु हुनेमा सर्लाहीको हरिवन नगरपालिका- ७ का ३० वर्षीय किरण लामा घिसिङ रहेका छन्।
दुर्घटनामा गम्भीर घाइते भएका लामाको उपचारको क्रममा चन्द्रपुर अस्पताल प्रालीमा हिजो बेलुकी सवा ८ बजे मृत्यु भएको हो। सर्लाहीबाट निजगढ जाँदै गरेको मधेश प्रदेश-०४-००१ प ३५५७ नम्बरको मोटरसाइकल हिजो साँझ साढे ६ बजे अनियन्त्रित भएर पल्टिएको ईलाका प्रहरी कार्यालय चन्द्रपुर रौतहटले जानकारी दिएको छ।
माघ २३, २०७९ सोमबार ०९:२६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
