हामी नेताहरु गफ मात्र गरिरहन्छौँ काम गर्दैनौँ, देश उधोगतिमा अग्रसर छ: कांग्रेस उपसभापति गुरुङ
काठमाडौं: नेपाली कांग्रेसका उपसभापति धनराज गुरुङले देशका नेताहरुले गफ मात्र नगरी जनताको अपेक्षा पूरा गर्न काम गर्नुपर्ने बताएका छन्।
प्रतिनिधिसभाको आजको बैठकको विशेष समयमा बोल्दै उनले मुलुक भयानक आर्थिक सङ्कटर्फ धकेलिँदै गएकोले मुलुकको समृद्धिका लागि गफ नभई काम आवश्यक रहेको बताए।
‘नेताहरु गफ मात्र गरिरहन्छौँ, काम गर्दैनौँ, धेरै वाचा गर्छौं तर त्यसलाई प्रमाणित गरेर देखाउन सक्दैनौँ। देश उधोगतिमा अग्रसर छ,’ उनले भने, ‘देश बनाउन कर्मशील र इमान्दार नेताको आवश्क छ। दृष्टिकोणसहितको नेताको अभावले जनताले दुःख पाइरहेका छन्।’
पछिल्लो समय आर्थिक सङ्कट बढ्दै जाँदा व्यवसायी र नागरिक अप्ठ्यारो अवस्थामा पुगेको भन्दै उनले सरकारमा बस्नेले कुनै चासो नदिएको बताए।
माघ २२, २०७९ आइतबार १४:५९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
