आज प्रदेश १ को हिमाली भू-भागमा हिमपात हुनसक्ने
काठमाडौं: मौसम पूर्वानुमान महाशाखाले आज प्रदेश नम्बर १ को हिमाली भू-भागमा हिमपातको सम्भावना रहेको जनाएको छ। हाल देशमा पश्चिमी वायुको आंशिक प्रभाव रहेको छ।
यतिबेला देशको पहाडी भू-भागमा आंशिक बदली रही तराईका धेरै भू-भागहरूमा हुस्सु/कुहिरो लागेको छ।
आज दिउँसो प्रदेश नं. १ का पहाडी भू-भागमा आंशिकदेखि सामान्य बदली तथा बागमती र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ।
प्रदेश नं. १ को हिमाली भू-भागका एक-दुई स्थानमा हल्का हिमपातको सम्भावना रहेको छ।
आज राति देशका पहाडी भूभागमा आंशिक बदली रही बाँकी भू-भागमा मौसम सामान्यतया सफा रहनेछ।
माघ २२, २०७९ आइतबार ०७:१५:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
