ठमेलमा प्रहरी चेकिङ : लागुऔषध सेवन गर्ने तीन सवारी चालक नियन्त्रणमा
काठमाडाैं : लागुऔषध खाएर सवारीसाधन चलाउने तीन जनालाई ट्राफिक प्रहरीले नियन्त्रणमा लिएको छ।
शनिबार काठमाडौंको ठमेलमा लागुऔषध खाएर सवारीसाधन चलाउने तीन जनालाई नियन्त्रणमा लिएको काठमाडौं उपत्यका ट्राफिक प्रहरी कार्यालयका प्रवक्ता एसएसपी राजेन्द्रप्रसाद भट्टले जानकारी दिए।
नियन्त्रणमा लिइएका तीनै जनामाथि थप अनुसन्धान तथा कारबाहीका लागी प्रहरी वृत्त सोह्रखुट्टेमा पठाइएको छ।
नेपाल प्रहरी अस्पतालको प्राविधिक सहयोगमा कार्यालय, काठमाडौं उपत्यका ट्राफिक प्रहरी कार्यालय, लागुऔषध नियन्त्रण ब्युरो र प्रहरी वृत्त लैनचौर सोह्रखुट्टेको संयुक्त टोलीले चेकिङ गरेको थियो।
प्रहरीले २० वटा सवारीसाधनका चालकमाथि चेक गरेको थियो। प्रहरीले गत साउन देखि लागुऔषध पनि चेक गर्न थालेको थियो।
माघ २१, २०७९ शनिबार १९:३७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
