श्रीमती जिस्काएपछि गुल्मीमा हथौडा हानेर भारतीय नागरिककाे हत्या, दम्पत्ती नै पक्राउ

काठमाडौं : भारतीय नागरिकको हत्या आरोपमा गुल्मीमा दुई जनलाई पक्राउ गरिएको छ।

हत्या आरोपमा सत्यवती गाउँपालिका–१ का छबीलाल र उनकी श्रीमती विष्णु अधिकारीलाई प्रहरीले पक्राउ गरेको जिल्ला प्रहरी कार्यालय गुल्मीले जनाएको छ।

बयानका क्रममा दम्पतीले आरोप स्वीकार गरेको कार्यालय प्रमुख प्रहरी उपरीक्षक अर्जुन रानाभाटले जानकारी दिए।

उनका अनुसार माघ १२ मा मादक पदार्थ सेवन गरेका भारतीय नागरिक आलिनामले छबिलालकी श्रीमती जिस्काएपछि दम्पती मिलेर हथौडा प्रहार गर्दा उनको मृत्यु भएको हो।

आलिनामको शव शव नदीमा भेटिएपछि प्रहरीले अनुसन्धान सुरू गरेको थियो। शवको टाउको र निधारमा गहिरो चोट छ।

अनुसन्धानका क्रममा शंकास्पद देखिएका छविलाल र बिष्णुलाई बयान लिने क्रममा उनीहरूले हत्या गरेको स्वीकार गरेको प्रहरीको दाबी छ।

माघ २१, २०७९ शनिबार १८:५७:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।