मुरली विजयद्वारा क्रिकेटबाट सन्यासको घोषणा
एजेन्सी : भारतीय क्रिकेट टोलीका पूर्व ब्याट्सम्यान मुरली विजयले सोमबार सबै प्रकारका अन्तर्राष्ट्रिय क्रिकेटबाट सन्यासको घोषणा गरेका छन्।
उनले ट्वीटरमा एक पत्र जारी गर्दै यस्तो जानकारी दिएका हुन्। उक्त पत्रमा उनले अन्तर्राष्ट्रिय स्तरमा भारतको प्रतिनिधित्व गर्न पाउनु सम्मानको कुरा भएको बताएका छन्।
विजयले बीसीसीआई, तमिलनाडु क्रिकेट संघ, आईपीएल र चेन्नई सुपर किंग्सलाई आफूलाई क्रिकेट खेल्ने अवसर दिएकोमा आभार व्यक्त गरेका छन्।
उनले आफ्नो सपना साकार पार्न सहयोग गर्ने साथी खेलाडी, प्रशिक्षक, प्रशिक्षक र सहयोगी स्टाफलाई धन्यवाद दिएका छन्। उनले क्रिकेट फ्यानहरूका साथै आफ्नो परिवार र साथीभाइलाई पनि धन्यवाद दिएका छन्।
मुरली विजयले ६१ टेस्टमा ३ हजार ९८२ रन बनाएका छन् भने १७ एकदिवसीयमा ३३९ रन बनाएका छन्। उनले टेस्टमा १२ शतक र १५ अर्धशतक बनाएका छन्। टेष्टमा उनको ब्याटिङ औसत ३८.३ थियो।
माघ १६, २०७९ सोमबार २१:३९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
