राष्ट्रपति निर्वाचनको लागि फागुन १३ गते उम्मेदवारी दर्ता गरिने
काठमाडाैंः निर्वाचन आयोगले राष्ट्रपति तथा उपराष्ट्रपतिको निर्वाचनको कार्यतालिका सार्वजनिक गरेको छ।
साेमबार आयोगले आगामी फागुन २५ गते राष्ट्रपतिको र चैत ३ गते उपराष्ट्रपतिको निर्वाचन गर्ने गरी मिति ताेकेकाे हाे।
राष्ट्रपतिकाे निर्वाचनका लागि फागुन १३ गते बिहान १० बजेदेखि दिउँसो ३ बजेसम्म निर्वाचन अधिकृतको कार्यालयमा उम्मेदवारी दर्ता गरिनेछ।
त्यसैगरी, उपराष्ट्रपतिका लागि भने फागुन २७ गते बिहान ९ बजेदेखि दिउँसो २ बजेसम्म उम्मेदवारी दर्ता गरिने निर्वाचन आयोगले जनाएकाे छ।
दुवै पदका लागि तोकिएको दिन नयाँ बानेश्वरस्थित अन्तर्राष्ट्रिय सम्मेलन केन्द्र मतदान हुनेछ।
माघ १६, २०७९ सोमबार १६:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
