ट्रकले ठक्कर दिँदा मोटरसाइकल चालकको मृत्यु
मोरङ: मोरङको सुन्दरहरैचा नगरपालिका- ३ स्थित राजमार्गमा ट्रकको ठक्करबाट मोटरसाइकल चालकको मृत्यु भएको छ। हिजो बेलुका सवा ७ बजे प्रदेश १-०२-००१ ख ९४३० नम्बरको ट्रकले को३५प ६७४८ नम्बरको मोटरसाइकललाई ठक्कर दिएको थियो।
उक्त दुर्घटनामा गम्भीर घाइते भएका मोटरसाइकल चालक बुढीगंगा गाउँपालिका- ७ मोरङका ३२ वर्षीय सुमित खवासलाई उपचारको लागि धरान घोपा लगिएकोमा अस्पताल पुर्याउनासाथ उनको मृत्यु भएको हो।
दुर्घटनामा संलग्न ट्रक र चालक झापा हल्दिबारी- २ का ३५ वर्षीय धिरेन राजवंशीलाई ईलाका प्रहरी कार्यालय बेलबारीले नियन्त्रणमा लिई थप अनुसन्धान गरिरहेको छ।
माघ १६, २०७९ सोमबार १२:५७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
