आज शहीद दिवस
काठमाडौं: आज शहीद दिवस रहेको छ। प्रत्येक वर्ष ज्ञात-अज्ञात शहीदहरूको सम्झनामा माघ १६ गतेका दिन मनाइने यस दिवस आज पनि विभिन्न कार्यक्रम गरी मनाइँदै छ।
आजको दिन विशेषतः प्रजातन्त्र स्थापनाका निम्ति जहानियाँ राणा शासनविरुद्ध लड्दालड्दै जीवनको बलिदान दिने शुक्रराज शास्त्री, धर्मभक्त माथेमा, दशरथ चन्द र गङ्गालाल श्रेष्ठको सम्झना गरिन्छ।
यस्तै पछिल्लो समय निरङ्कुश पञ्चायती व्यवस्था तथा तानाशाही राजतन्त्रविरुद्ध प्रजातान्त्रिक क्रान्ति एवम् लोकतान्त्रिक जनआन्दोलनमा आफ्नो जीवनको आहुति गरेका वीर शहीदको सम्झनामा पनि शहीद दिवस मनाउने गरिएको छ।
प्रत्येक वर्ष माघ १० गतेदेखि १६ गतेसम्म शहीद सप्ताह नै मनाउने गरिन्छ।
माघ १६, २०७९ सोमबार ०७:३७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
