स्वयम्भूमा ट्याङ्करले ठक्कर दिँदा स्कुटर चालकको मृत्यु
काठमाडौं: काठमाडौं स्वयम्भू चौमतीस्थित नयाँपुल नजिकै हिजो साँझ ट्याङ्करको ठक्करबाट स्कुटर चालकको मृत्यु भएको छ। मृत्यु हुनेमा काठमाडौं महानगरपालिका- २४ बस्ने ५५ वर्षीय नरेन्द्रमुनि बज्राचार्य रहेका छन्।
दुर्घटनामा गम्भीर घाइते भएका नरेन्द्रको उपचारको क्रममा मनमोहन मेमोरियल अस्पताल स्वयम्भूमा पौने ९ बजे मृत्यु भएको हो।
प्रदेश३-०१-००३ क ७५१२ नम्बरको डिजेल बोक्ने ट्याङ्करले बा८१प १७८६ नम्बरको स्कुटरलाई हिजो साँझ ८ बजे ठक्कर दिएको हो। ठक्कर दिने ट्याङ्करसहित चालकलाई प्रहरी वृत्त स्वयम्भूले नियन्त्रणमा लिएको छ।
माघ १५, २०७९ आइतबार ११:४९:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
