महिलातर्फ टाइगर कपको उपाधि एपीएफलाई

पोखरा : टाइगर कप भलिबल प्रतियोगिताको महिलातर्फकाे उपाधि सशस्त्र प्रहरी बलको एपीएफ क्लबले जितेको छ।

विभागीय टोली त्रिभुवन आर्मीलाई ३–१ को सेटमा हराउँदै एपीएफले उपाधि उचालेको हो।

टाइगर ग्रुपको आयोजनामा पोखरा रंगशाला भलिबल प्रशिक्षण केन्द्रको कोर्टमा शनिबार भएको फाइनलमा आर्मीमाथि सशस्त्रले जित निकाल्न चार सेट खेल्यो।

एपीएफले आर्मीलाई २५–२०, २२–२५, २५–८ र २५–२२ को सेटमा हरायो। उपाधिसँगै एपीएफले नगदसहित पाँच लाख रूपैयाँ प्राप्त गरेको छ। दोस्रो भएको आर्मीले दुई लाख पाँच हजार रूपैयाँ पाएको छ।

घरेलु टिम गण्डकी प्रदेशलाई ३–० को सोझो सेटमा पराजित गर्दै न्यू डायमण्ड युथ स्पोर्ट्स क्लब तेस्रो बनेको छ।

खेलमा तेस्रो बनेको न्यू डायमण्डले एक लाख २५ हजार र चौथो भएको गण्डकीले ६५ हजार रूपैयाँ पुरस्कार हात पारेका छन्।

माघ १४, २०७९ शनिबार १८:०५:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।