बर्दिबासमा ट्याक्टर पल्टिँदा १ जनाको मृत्यु, २८ जना घाइते भएपछि चालक फरार
महोत्तरी : जिल्लाको बर्दिबास नगरपालिका–३ पाटु मोडमा ट्याक्टर दुर्घटना हुँदा १ जनाको मृत्यु भएको छ। २८ जना घाइते भएका छन्।
मृत्यु हुनेमा ट्याक्टरमा सवार अन्दाजी ५० वर्षीया महिला रहेकी छन्। उपचारको लागि अस्पताल लैजाने क्रममा उनको बाटोमै मृत्यु भएको र सनाखत हुन बाँकी रहेको महोत्तरी प्रहरीले जनाएको छ।
घाइतेमध्ये ७ जनाको उपचार शुभ स्वस्तिक अस्पतालमा ९ जनाको बर्दिबासस्थित साइ मल्टि स्पेसिलिटी अस्पतालमा र १२ जनाको जनसेवा अस्पतालमा उपचार भइरहेको छ।
सिन्धुलीको लङ्गुर खोलाबाट बर्दिबासतर्फ जाँदै गरेको प्रदेश २–०२–००१ त २२६४ नम्बरको ट्याक्टर विहान साढे १० बजे पल्टिएको थियो।
दुर्घटना पश्चात फरार रहेका चालकको खोजी भइरहेको छ।
माघ १२, २०७९ बिहीबार १६:५१:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
