माघ १५ मा बस्ने भनिएको कांग्रेसको केन्द्रीय समिति बैठक स्थगित
काठमाडौं: नेपाली कांग्रेसको केन्द्रीय समिति बैठक स्थगित भएको छ। माघ १५ गते बस्ने भनिएको केन्द्रीय समिति बैठक अर्को सूचना प्रकाशित नभएसम्मका लागि स्थगित भएको हो।
कांग्रेस मुख्यसचिव कृष्णप्रसाद पौडेलले एक विज्ञप्ति जारी गर्दै यसबारे जानकारी दिएका हुन्। यसअघि पुस २२ गते र त्यसदिन पनि बस्न नसकेपछि पुस २८ गते बैठक बस्ने भनिएको थियो। २८ गते पनि बैठक बस्न नसकेपछि माघ १५ मा बस्ने तय भएको थियो।
निर्वाचनको समीक्षा, पछिल्लो राजनीतिक घटनाक्रम लगायतका विषयमा छलफल गर्न कांग्रेस केन्द्रीय समितिको बैठक बस्न लागेको थियो।
माघ १२, २०७९ बिहीबार १३:५३:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
